тактикалық-саптық сабақ

(Тактико-строевые занятия)

жеке құрамды және бөлімшелерді тактикалық іс-қимылға дайындау түрлерінің бірі. Олар, негізінен, жорықтық, ұрысқа кіру және ұрыстық реттердегі тактикалық тәсілдер мен іс-қимылдардың техникаларын игеруге арналған. Сонымен қатар бұл сабақтар бөлімшелердің алдағы жаттығулардағы іс-қимылдарын үйлестіруге, сондай-ақ бұрын анықталған кемшіліктерді жоюға мүмкіндік береді. Т-с.с. алдағы тактикалық сабақтар мен жаттығуларға қатысты барлық бөлімшелерде жүргізіледі. Т-с.с-та тақырыптың оқу сұрақтары кезектеліп жүргізіледі және үйренушілер тәсілдер мен іс-қимылдарды тез және дұрыс орындауға толық машықтанғанша олар жеке элементтермен қайталанады, сонан кейін оқу сұрақтары бойынша іс-қимылдар толығымен қайталанады. Мотоатқыштар бөлімшелерінің Т-с.с-да бірлесе қимылдауды шыңдау үшін танк, артиллериялық, саперлік және басқа бөлімшелер тартылады. Т-с.с., әдетте, күрделі емес тактикалық жағдайда жүргізіледі.